فتوكاتى حبايب قلبي وحشتونى كتتيييييير
سامحونى غبت عنكم لظروف خارجة عن ارادتى
بس انتو مغبتوش عن بالي ابدااااااا
موضوعى اللي بدأته من اربع اجزاء فاتوا بيتكلم
عن كل شئ بنتعامل معاه في المطبخ
وازاى نستفيد منه من غير مايضرنا او نضره
الجزء ده هنتكلم عن ايدينا الحلوييييين
عاوزين لما ندخل المطبخ نخرج بايدينا احسن مادخلنا بيها
من غير اصابات او من غير ضرر لينا او لغيرنا وهاوضح كلامى في بعض نقاط او ملحوظات بس اصبروا عليا ومتزهقوش منى
احنا بندخل المطبخ بنتعامل مع مواد كتير واجهزة واطباق ومنظفات واكل وبهارات وغيره وغيره
يبقي فيه حجات لازم ناخد بالنا منها واحنا داخلين المطبخ مش عاوزينها معانا
اولها طبعا ضوافرك الحلوين اللي طول النهار تضبطى فيهم بلالالالالالالالالالالالالالالالاش
الله يكرمك بيلموا تحتهم كواااااااااااااااااااااااارث

اسلحة مدمرة


سامحينى انت بتدخلي تطبخى وتغسلي المواعين وبعدين
ممكن تدخلي الحمام او تنظفي الشقة او تغسلي هدوم او تكنسي او غيره اكيد بقايا التنظيف هيفضل منها جزء تحت ضوافرك
هتقوليلي فيه مية وصابون وحمامات زيت ومش عارف ايه

لالالالالالالالامش كفاية


حطى ايديك لو سمحت قدام النور وبصي تحت الضوافر كده
قص الضوافر ده من السنة واصلا هو من الفطرة
انا متخيلش نفسي ابدا بااكل من ايدين ضوافرها طويلة ابداااااااا لو هاموت من الجوع
قصي ضوافرك اصح ليك وابرديها بشكل دائري هيبقي شكلها احلي كتيييييييييييير
طبعا هتقصيها بالقدر المطلوب اللي مايضايقكيش يعنى متنزليش عن مستوى الصوابع لجوه وتعوري نفسك
كمان بلالالالالاش طلاء اظافر


ممكن وانت بتغسلي المواعين يتقشر
ويقع منه اجزاء تانية وانت بتغسلي الارز مثلا
او بتقطعي سلاطة ودى مواد ضارة طبعا
وكمان هيبقي شكل صوابعك مش حلو وهو متقشر
انا مش عاوزة حد يقرف منى انا بس بنقلك الصورة اللي ممكن تحصل

اعتنى بضوافرك بالليل ياسندريلا بعد ماتخلصي شغلك كله
لان مطبخ يعنى نظافة يعنى صحة

كمان عاوزة اعرف حاجة
ليه الموروث الشعبي بتاعنا وعادتنا اللي تخلي الست او البنت تدخل المطبخ بذهبها او شبكتها
ايه الحكمة يعنى؟
انا عن نفسي مفيش في صوابعي غير الدبلة
وكنت لابسة كوليه صغير عليه اسمي بس قلعته لانى اما اجى اشوف حاجة في الفرن والف الصينية مثلا تتحمر واقفل الاقي السلسلة امتصت حرارة من الفرن وسخنت علي رقبتى ولسعتنى
تلاقي العروسة من تانى يوم شبكتها لابسة بقي الغوايش وفرحانة بيها او الخواتم
طب ليه الذهب ده زينة يعنى ميتلبسش واحنا بنشتغل
كمان زى مانتو شايفين غاليييييي
يبقي حرام يتبهدل ويتطبق ويتجرح ويتكسر وينطفي
ليه تقعدي بقي تشخللي طول النهار وتخبطى في حجاتك من هنا لهنا وتبوظيهم
لو بصيتى تحت خاتم انت لبستيه اسبوع في المطبخ هتلاقيه انطفي ولونه غير وحوش من جوه جير ابيض وسواد مكان المواعين والتنظيف ووده بينزل في الاكل طبعا غير انه بيخسر
كمان الحجات دى بتتطبق وتتبهدل
زى الغوايش مثلا وبتسخن وانت بتشتغلي او تطبخى وممكن تضايقك
كذلك مفيش داعى انك تلبسي برضو اكسسوارات تانية مش ذهب وانت في المطبخ بيكون ضررها اكتر طبعا


يبقي ياقمر انت داخلة مطبخك مستعدة بايدين نظيفة ضوافرك مقصوصة ومفيهاش اي طلاء
وكمان ايديك خفيفة ومفيهاش اي اكسسوارات او زينة
هنتعامل مع ايه اساسي البوتجاز والحوض
ومابينهما بقي من اوانى ومواد غذائية ومنظفات وخلافه
لالالالالالالازم ترتبي حجاتك بطريقة يسهل الحصول عليها وتسهل عليك وتوفر وقت
وتخلي الاستعمالات اليومية اقرب من اى شئ ممكن تستعمليه كل اسبوع او كل شهر زى المنظفات البهارات الزيت السكر الشاي
يبقي الاكثر استعمالا الاقرب مكانا
وكل ده تحاولي يبقي علي ايديك اليمين دايما قدر الامكان
يعنى انت واقفة تغسلي عالحوض يبقي العلبة بتاعت السائل اللي بتصبنى منها الاطباق علي يمينك
وترصي اللي اتصبن جنبها وبعدين تشطفي وتحطى في الصفاية عالشمال مثلا
واقفة تطبخى عالبوتجاز تحاولي تخلي البهارات علي يمينك والزيت والخل وهكذاويبقي جنبك زى ماقلنا الاساسيات اليومية
وبكميات معقولة مش تقيلة عليك زي ازايز الزيت الكبيرة
او علب السكر او الملح اللي مبالغ في حجمها


فيه كمان حاجة مهمة وانت بتشتغلي اشتغلي بايد واحدة
مثلالالالالالابتعجنى بايديك يبقي ايد واحدة مش الاتنين
ليه اول حاجة عشان لو احتجتى شئ مثلا شوية دقيق زيادة
يبقي متوسخيش العلبة وانت بتفتحيها
او بتردي علي تليفون او تفتحى الباب او الحنفية
تانى حاجة ايديك بتشيل جزء كبير من مقاديرك وبتترمى وانت بتغسلي ايديك طبعا او ممكن تخلي المقادير مش مضبوطة
وكمان ايديك شكلها بيتبهدل
يبقي نحط مقاديرنا بايد ونعجن بالتانية
زى برضو الفراخ او اللحم او الكفته بحاول اصبعها بايد واحدة وبسرعة
الفراخ لو بتبلها باحطها في دقيق وبعدين بالشوكة في لبن وبيض وبعدين خليط بيض وبقسماط واضغط عليها بايد واحدة والتانية زى الفل وكمان متلقطش روايح


حافظي علي ايديك من حجات كتييييييير بالجوانتى

انا مكنتش بحب البسه باحس انى مهما نظفت انه بيفصلنى عن الشغل بتاعى ومش بحس ان اى شئ نظف
لازم المس كل شئ بايدي واحس بنظافته
لقيته مهم في ايه بقي
المنظفات القوية والاشغال القوية
يعنى غسيل البوتجاز الغسلة التمام اللي انتو عارفينها بالسلك والمنظفات ودعك السيراميك والحمامات
كمان عشان المنظفات الجامدة
فلاش وبطة او هاربيك وان كنت باقلل من استعمالهم
كذلك الكلور الصابون السائل المسحوق وغيره

عشان متلقيش ايديك مشققه وملتهبه وصوابعك متخربشة ومتجرحه حتى لو مفييش ضوافر زي ماقلنا
وممكن تلاقي طبقة سودا بسيطة في ايديك وحوالين صوابعك من تنظيف البوتجاز او الشفاط
باستخدمه ايام الشتا احيانا لو المية ساقعة اوى وهانظف مده طويلة لان هنا في الغربة الجو جاف ومشقق ايدينا لدرجة انها ممكن تنزف بسيط وفي الشتا بتتبهدل مهما استعملنا مرطبات
باستعمله احيانا لو باقشر خضروات ممكن تبقيع في ايديا وتسودها او تغير لونها
باذنجان فول اخضر جزر الي اخره
يبقي الجوانتى مضطرين لاستعماله احيانا
وكل واحدة وراحتها


من الاحتياطات الامنية انك تخلي بالك من
ادوات المطبخ زى السكاكين المقصات المقاشر الفتحات
غطيان العلب بتبقي حادة بعد فتحها وهكذا
ومتقشريش علي صابعك الابهام عشان هتلاقيه مشقق
يعنى وانت بتقطعي البطاطس مثلا ومش واخدة بالك بتسندى عليه او بتيجى السكينة عليه
مرة في مرة بيبوظ شكله وممكن تتعورى
خلي بالك من المواد الحارة زى الشطة ممكن تحرقلك ايديك
او البوتاس او الكلور
طبعا انا غطيت موضوع الحروق من البوتجاز او الزيت او البخار في جزء سابق وذكرت الاحتياطات لذلك
حاجة اكتشفتها مهمة اوى حصلتلي
اكتشفت ان التلج بيحرق الصوابع
مرة كنت حاطة في الفريزر علبة تلاجة صاج
وكنت غاسلة ايديا ومش ناشفين اوى فابمسك العلبة وجيت اسيبها لقيت صوابعى لزقت عليها من بره وعشان اشيلها حسيت بالم شديد كانها بتنسلخ عنها وفضلت صوابعى بتوجعنى وحمرا شوية وقت بس صعبة جدا
وممكن تحصل وانت بتقطعى لحوم مجمدة لسه مش فاكك منها الثلج وايديك مبلولة
يعنى ايديك حاولي متمسكيش بيها اي جسم صلب مثلج مدة طويله وخصوصا لو صوابعك مبلولة والجسم ده كمان معدنى
وكذلك المية السخنة او الساقعة زيادة عن اللزوم مضرة
وبلاش ايديك تبقي بتشر صابون سايل وانت بتغسلي وتروحي تقلبي الاكل عالنار
او تقطعى فراخ وتقشري خضار
لالالالالالا بعد كل استعمال اغسليها ونشفيها
متخديش من هنا تحطى هنا
نظفتى اغسلي ايديك
طبخت اغسليها برضو
قطعت حاجة ليه متغسيلهاش ؟
وتتنشف ضروري كمان
وياياريت لو فيه اى مطهر لليدين في نهاية شغلك تستخدميه زى تنظيف الحمام مثلا او صناديق القمامة
خلي صابونة علي حوضك دايما ولو من اللي بجنيه حتى عشان متكسليش تروحي تغسليها


والانننننننننننننننننننن
حان وقت المفاجأة
هتقولولي انت دخلتينا المطبخ وبهدلنا ايدينا والحمد لله
تعرفي زي ماقلتى ترجعيهالنا زى ماكانت؟
ونخرج بيها احسن مادخلنا
طبعا انا مش خبيرة تجميل
بس ليكم عندي حجات بسيطة كده عالماشي هدية منى ويارب تبقي تعويض عن الرغي الكتييييييير بتاعى
لو ايديك لسه فيها روايح غير مرغوب فيها او خشنة او متقشرة عليك بفص ليمون وادعكى بيها وشوفي الفرق وممكن الكوع كمان هتلاقيه ابيض مرة في مرة
ولو عاوزة تقشير لايديك بسيط
ممكن تدعكيهم بفازلين وسكر
او عصير ليمون وجلسرين وماء بطاطس
وكفاية كده احسن ينقلوا موضوعى قسم العناية بالبشرة
انا باقدم حلول بسيطة او اسعافات اولية لسلامة ايدينا في المطبخ
عاوز ايديك كده دايما

يبقي تخلصي شغلك تغسلي ايديك وتنظفيها وترطبيها باي كريم
متعودة عليه




عاوزين ايدين وصوابع صحية نظيفة تفتح النفس
تشجع عالنظافة ونحب ناكل من شغلها
وتستحق التحيةمن اولادنا واسرتنا احتراما وعرفانا بالجميل بعد فضل ربنا سبحانه وتعالي
زى ما قبلنا ايدين امهاتنا اللي ربتنا وشقيت وخافت علينا
ووصلتنا لبر الامان
ايدين تتلف في حرير
يارب نقدر نوصل ولادنا لبر الامان ونعمل اللي علينا



يارب مكنش تقلت عليكم بكلامى
ويكون فيه شئ من الافادة
مشكوووووورات
ومتنسونيش بدعوة حلوة انا وولادى
ربنا يعافيهم ان شاء الله
ويصلح احوالكم واحوالنا واحوال المسلمين جميعا
بحبكم في الله

موضوع في قمة الخيااال
طرحت فابدعت
دمت ودام عطائك
ودائما بأنتظار جديدك الشيق
لك خالص حبي وأشواقي
سلمت اناملك الذهبيه على ماخطته لنا
اعذب التحايا لك
لكـ خالص احترامي