[center]ماقاله بعض أعضاء اللمة عن طفولتهم:

المُشرفة المحبوبة Mïŋěţţe وماقالته عن الطفولة:

اقتباس الطفولة مرحلة رائعة كلما نتقدم في العمر نتمنى أن نرجع لتلك الفترة التي يتخللها المرح وخلو الذهن من مشكلات الحياة طفولتي كما أذكرها كانت مثالية خديت الضرب في المدرسة القرآنية بالعصا تع سيدي (الله يرحمو) كي نغلط في كاش آية ههههههه شبعت تحواس ما خلى بابا بلاصة ما داناش ليها اك تعرفي عاصرنا عهد الشاذلي (الله يرحمو) تمتعنا هههههه // بالنسبة للذكريات الرائعة من طفولتي نتذكر عشية كل عيد لما بابا (ربي يطول في عمرو ويخليه) يدينا يشرينا حوايج العيد وكي نرجعو للدار يولي خويا يشمهم ويقولي اممممممممم ريحة قش فرانسا ونفوتو ليلة كاملة وحنا نقيسو فيهم هههههههه وماما تعيط علينا وتقولنا نحيوهم ام يتوسخولكم قبل وقتهم وحنا مسنطحين هههههههههههه /// من الذكريات تاني اللي مزالها عالقة في راسي نهار دانا بابا لوحد العرس فالدوار (الريف) خرجت انا وخويا (كالعادة) بعدنا على الدار وحنا نمشيو فالغابة دخلو رجلينا فالوحل تم انا تودرتلي صندالة (جديدة جابهالي بابا من فرنسا) واااااع وحنا متلهيين نفتشو عليها لقينا وحد لولاد ضربو خويا كي بدا يبكي هربو مبعد رجعنا للدار دينا من بابا البخص وخويا محبش يعترف بلي لولاد ضربوه قالهم طحت من فوق الشجرة هههههههه /// بالنسبة لأطرف موقف صرالي ومزال نشفى عليه وكي نتفكرو ندحك بزااااااااف في عيد الأضحى كان في عمري تقريبا 5 سنوات فطنت فاليل مشيت من فراشي ديييراكت للبالكون عند الكبش هو قاعد يجتر وانا درت جسمو مخدة ورقدت الصباح كي دار الكبش بعععععععععع انا تخلعت ونضت نبكي وااااااااااااااااااااااااع جات يما تجري ملقاتنيش في فراشي تبعت الصوت لقاتني فالبالكون راقدة والكبش فوق راسي قاتلي وش جابك لهنا؟؟ قتلها: جابني بابا ههههههههههههههههههههههههههههه وانا صح حلمت ولا منعرف عليا كي شغل بابا اللي هزني وداني تما بابا مسكين يحلف ويعظم في ربي " والله ما ديتها علاه انا مهبول؟ وديجا ليل كامل وانا راقد" دخلتهم التوسويس يما ديما تحكيهالي ونضححححححححححك عليها

اقتباس العضوة الطيبة simou11 وماقالته عن الطفولة: الطفولة .. هي ذلك العالم الذي نحن اليه دائما يوم كنا لا نيتئس و لا نحزن يوم كانت تبكي العين لا القلب يوم كانت دمانا هي عالمنا باكمله عشت طفولة خيالية بدميتي و احلامي و افكاري "الغبية " كنت امضي يومي في اللعب مع الذكور احترفت كرة القدم منذ طفولتي ^_^ كنت اغضب , ابكي و اعود للعب من جديد ثم اطوي الصفحة بحب كان لدي زهايمري الرائع لا احقد على احد و لا اكبت هما و لا غلا اتذكر لحظات كانت بالنسبة لي سعيدة لكنها لم تكنت كذلك بالفعل ^^ كأول يوم وقعت فيه و عدت الى المنزل و ركبتي تنزف اهتمام غريب عند اهلي اخي يبكي ظنا منه اني اتالم بشدة امي تحضنني و ابي يحمل لي الحلوى و المعقم بابتسامة و يوم دخولي للمدرسة يوم حصولي على جائزة احسن تعبير كتابي على مستوى الولاية رغم صغر سني هي ايام نتمنى عودتها ... اتذكر يوما ,, كسرت كل الكؤوس ^_^ فوبخني ابي قائلا " صحيتي صحيتي " بنبرة غاضبة و انا فهمت انه يشكرني و ضننت ان كسري للكؤوس اسعده فكسرت كل اواني المنزل و اخذت عقوبة معتبرة و صفعة قوية و نمت بهدؤء

اقتباس أما المراقب الخلوق BARCA232 فيقول: والله هي مواقف كثيــــــرة ولاتحصى حتى أنه لي كتاب خاص بهذه القصص،لأنو اجمل مرحلة عشتهـــا،وهي الصغـــر وعليــــــه سأسرد لك أروعهــــا؟؟ كنت أحب الصيد كثير،وكانت عائلتي تمنعني من الذهاب مع الأصدقاء للصيد لأني كنت ازامل كبار الســن،ولكن حب الصيد أدى بي الى المغامرة،والى حد الفقز من أعلى السكن الى الأرض،ولايهم النتيجة المهم اللحـــاق بمجموعتي،ولكن العقوبة قاسية في المسااااء كنــا نصطاد أي شيء في الطريق،والله لانفرق ماهو حلال وماهو حرام بحكم صغر سننا،ولكن هناك موقف بقــى راسخ في ذهني لن أنســاه مهما حييت ألا وهو اليوم الذي لم نجد فيه صيدنا، فرجعنـــا خائبين،وجائعيــن،وماهي لحظــات حتى وجدنــا دجاجة مرمية ،، لها أظن يوم والعلم لله منذ أن رميت،،وماتت فأخذتها وغسلتها في البئــــر،وأشعلنا النـــار وللعلم لم ننزع منها أي شيء كمـــاهي تم شوائهــا وآكلنا حتى شبعنـــا، ووالله لم أنسى تلك الدجاجة حتى اليـــوم وذوقها لازلت أستحضره الى غايـــة اليــــوم مــــــــــاأجمـــــــل مغامرات الصغر هذي عينة بسيطة من صغـــــري آه نسيــــــــت رجعت للبيت،أخذ مني الضرب حتى أرجعت كل ماأكلتـــه الحمد لله على كل حال شكرا ليك على فتح نافذة الأمس،والتي احن لها كثيرا وخاصة شلة الصغـــر

دعونا نرى الآن ماقالته العضوة المميزة chahra34

اقتباس لطفولة ههههههههههه والله نتفكر روحى نضحك من قلبى كنت شيطانة كيما يقولو بالصح نحشم فى نفس الوقت كنت طايرة و كيما يقولو يالبلا ارواح ليا و الا انا نجييك ...ماكاش طفل ماهاوشتوش ماكاش واحد ماداش من عندى الكف ههههه كنت حقارة و مطيارة لابعد حد .....الحدث لى مقدرتش ننساه هو واحد المرة جا طلاب قدام دارنا خرجت ليه كنت فى عمرى 5سنين نقرا سنة اولى خرجت لىه عند الباب ديتلو لكتاب و قاعدة نقري فيه ......ههههههههه و الغريب فى الامر خطفنى هههههههه حتا والو يجري مورااااااه و كاين احداث بزاااااااااااااااااف ههههههههه و خطرة حرقت دار عمى انا و بنت عمى ربى يخليها و.........مانحكيلكش خير هههههههتانى خطرة كبش تاع العيد جابوه قبل العيد بيومين خرجنا جدى ندورو بيه فى وحد البلاصة خالية كنت انا ودراااري تاع لافامى حنا 5 و الكبش واحد و ملخر راحلنا الكبش هرب و شكون السبة انا بسلامتى فكيتلو لحبل ...........تانى خطرة انا كى كنت صغيرة كنت ندير شعرى كوب تاع درارى هههههه و السبب بعثتنى ماما باش نحفف عند صحبتها رحت لتاع درارى حففت و كيما تعرفى تحفاف الدرارى رخيص على لبنات و شريت هاداك الصرف كاااااااااااااامل و روحت ليما لدااااار قلبها حبس و فى داك كنت رايحة للمخيم الصيفى و غلطو فيا تحسباله طفل خرجونى من ليشومبر تاع لبنات و داونى للدرارى ههههههههه حتى شافو لمناقش فى ودنيا .......................راكى تشوفى مانيش قادرة نسكت خااااااااطر عندى مادرت وانا صغيرة و مازالنى ندييييير لدوكا وجهى وجه طوااايش هههههههههه خيرى لى عجباتك

أما محمد الجمرة mohgladiator فقال:

اقتباس مممممممممممم الطفولة تاع محمد منيين نبداالك مانعرف المهم محمد عاش طفوولة رووووعة نبداااو من بدايتها كي كنت صغيييير خلاص كانت عندنا خالتي تسكن مش بعيدة علينا ايا المهم كنت نغفل الوالدة و نهرب نروح ديراكت ليها بما انو انا الصغير فالدار و ماعنديش معامن نلعب و هي كان عندها بنتها صغيرة عليا بعاام معناتها كنت محتوووم باش نلعب معاها المهم و كانو يفوتو عليا يامات برد سخانة كااامل الاجواء و الوالدة غي تحسني بلي مش فالدارتعيط دييراكت لخالتي تقوللها راه عندي المهم العام يجيب العام تعرفت على الدراري تاع الباطيمة هاديك و بالشوي عرفنا بعضانا ملييح لاخاطر اغلبية هادوك الجيران من الجي و انا تاني معناتها البرانية مع بعض و بدينا نتعرفو لى ولاد البلاد تاع الباطيمة هاديك حتى عندنا دي زانتيم مع بض و زيد المكتوب كنا تقريب كامل من عمر واحد و نقلراو في عام واحد آبار واحد ولا زوج كانو كبار بعام علينا و هكاك حتا و كبرنا و بدينا نقراو و قرينا مع بعض المراحل كاااملة حتى للثانوي وين تفرقنا شوي راكي تعرفي الادبي و العلمي و التقني مي هكاك كملنا مع بعض و مع العمر كاين اللي تزيد عليه حاجة تبدلو و كاين اللي يقعد كيما هو و كملنا حتى تقريب سنة اولى ليسي نتلاقاو في هاديك الباطيمة كانو كي يحوسو عليا الدار يبعتوولي ديراكت للباطيمة هاديك يلقاوني و في الطفوولة تاعي وش نقووولك كنت محمد = جمرة المشااااكل دايما ههههههههه كنت مع اللي ندخل للدار نلقا الوالدة عند الباب تستنى فيا مع اللي ندخل راسي من الباب تخبطني فالحيط لوكان جا يهدر الحيط اللي عند الدخلة يحكيييلكم على المعاناة تاعي معااه في مرة من المرات كانت ليلة العيد الصغير تفاهمنا حنا الجماعة باش نروحو للحمام المهم رحنا 9 من الناس انا دخلت روطار لقيتهم حاكمين رواحهم زوج زوج قعدت نستنى فالدالة ايا قالي واحد دك نكمل و نجيك قعدت هكااك ندور ندور ندور ندور و راكي تعرفي الحمام و مع اللي الواحد يكيس يعود لحمو يبريي هههههههههههههه و واحد كان عادل ظهرو و يبريي ملييييييح جيتو من لور خبطتو جماعة الحمام كاامل دار ليا هههههههه واحد الصوت وش نقوولك و غي جيت هارب زلقت رجلي و نجي دييراكت على راسي خبطت دخت على البلاصة رفدوني ديراكت للدار الباردة و بدااو يدخلوولي فالضربة هاديك خرجتلي كاسكييطة naturel امهم طحت في واحد خشين الله يبارك دخلها بالسيف و فوتت العيد و راسي زرق حق التحراميت و مرة تاني كنت صغير و ننننحب نلعب بالنار نموووووووووت عليها خواتاتي كانو يغسلو فالدار و كل وحدة وين لاهية المهم انا رحت للشومبرة تاع الوالديك و كي جات بعيدة على العفس و الما كانو كملوها و فرشوها دخلت و غلقت الباب شفت باطة تاع زالاميت جيت باش نشدها طيحتها مور لاكوافيز بالسيف باش خرجتها و بديت نشعل و نطفي و نرمي فوق الديسوندلي بالجمرة تاع الزالاميت و في خطرة رميت عود بلا ماطفيتو غلطة حتى بديت نشم فالحريق مع اللي صديت نلقا الديصةندي شدت فيه النار و طلعت للفراش جيت زعمة نطفي عميتها خرجت باش نعيطلهم مع الجري و الشوك دخلت فالما ديراكت و نجيبها على راسي تهلكت الله لا يشوفك و من بعد وصلت للوالدة قلتلها راهي كاين النار قاتلي امشي طيير بديت نحلفلها بلي كاين قاتلي نجي و لوكان نلقاك تتمسخر نقتلك مع اللي وصلت للكولوار شمت الريحة الشومبرا لقاتها لاااهبة بداو يطفو فيها بالسيف باش طفات و خوك شاد كواان و منشووع مع اللي جاتني باش تضربني ديجا لقاتني صفر من الخلعة عشات تصبر فيا ههههههههه و خرجة على خير المهم كنت مشااااكلي و تاع dégaaaaaat ودك خوك عقااااال و مزالو شوي حكايات ممكن نكون طووولت بزاف و انا نهدر هههههههه

أما العضوة اللامعة عازفة الاحزان فتقول :

اقتباس بصراحة ولا أروعـ عشتها ككلـ الاطفالـ الجزائريينـ... التشيطينـ و اللعبـ و كيـ نطولـ برة نديـ طريحة منـ عند ماما (هدا وينـ فهمتـ لاه) وبصراحة اكثر كنتـ نفضلـ الذكور على الاناثـ لأنو ألعابـ لبناتـ متمتعنيشـ كيما البالونـ و الفيلو ،ماأروع اللحظات التي تتدكرينها؟ أمممممممم خليتينيـ نوليـ لأيااااامـ ياااه لحضة عيد ميلاديـ عرضة ماما كاملـ صحباتيـ ودرتهاليـ مفاجئة دبرتهاليـ مننساشـ الفرجة فيـ هذيكـ اللخضة (نحبكـ ماما) وأطرف حدث قُمتي به ولاتزالين تتدكرينه حتى اليوم ؟ هههههههههه منقولشـ هههههه كانـ عيد العمالـ وحبيتـ ندير لبابا كادو شريتلو كاربوستالـ هذاكـ تاعـ بكريـ وكتبتلو فيه أبيـ أحبكـ أكثر منـ أميـ ولكنـ دعـ هذا الأمر سر بيننا ههههههه ودكـ كيـ نتفكرها نموتـ بالضحكـ وماما تقليـ ياه هاو الدليلـ

وايضا الأستادة الغالية حكايا الورد وماقالته:

اقتباس والله طفولتي والحمد لله كانت رائعة يعني بدون مبالغة ربما لاني كنت الطفلة الأولى أولا ثم تربيت مع بنات أعمامي كعائلة واحدة لدلك كانت طفولة مميزة يعني باختصار أنا أخدت حقي من الطفولة الطفولة في رأيي يجب أن يأخدها كل طفل هي حق ..حق لابد منه لأنها الشيء الصادق الوحيد الدي يبقى لنا في الكبر. والطفل الدي لا يأخد حفه من الطفولة كيما نقولو بالدارجة مايكبرش عقلو يعني يبفى يحن الى الطفولة . أطرف حدث ويبقى في الداكرة كنت في العاشرة من عمري وابنة عمي في الحادية عشر اتفقنا في يوم من الأيام بعد الخروج من المدرسة ...يعني كان -كما يسمى في علم النفس- لفت الانتباه كانت ابنة عمي متضايقة من اهمال والدتها لها و اهتمامها بأختها أكثر منها اشتكت لي و قالت لي ما رأيك لو ندهب بعد المدرسة الى مكان ما نختبأ فيه و ندع أهلنا يبحثون عنا وبالفعل قمنا بالامر ودهبنا عند عمتنا في مدينة أخرى بعيدة عن مدينتنا في ميلة وعندما وصلنا عندها مباشرة اتصلت بعمي .جاء وأخدنا من عندها دون أن ينطق بحرف واحد ههههههههه فدهب كل شيء هباء وفي المنزل عاقبونا . يعني يبقى هدا أهم حدث لاني عايشته بكل التفاصيل و بحلوه و مره لدلك بقي في داكرتي .

أما الأمورة دمعة اشتياق [size=16]فتقول[size=16]:
[/size][/size]

اقتباس أجمل مرحلة في حياتي لحد الآن هي الطفولة ولا أنكر أنني مررت ببعض الصعوبات فيها مثل العنف الأسري وهدا أكثر ما أتذكره فقط الشجار بين امي وابي و هذا من اسوأ ما عشت ولكن اجمل اللحظات أنني كنت زعيمة الاطفال و من أكبر المغامرات الصغيرات و كنت دائما اتوه عندما اكون في السوق مع والداي و كنت دائما الأنشط في القسم و كل البنات يكرهوني ولا اعلم السبب

أما دلّوعة الدّار عفاف الجزائرية فتقول :

اقتباس طفولتي قصدي جنتي في الدنيا جيت انا صغيرة دارنا وواش يجيك من واحد صغنون العايلة كامل يدخلو يعيطو باسمو وكامل يلعبو بيه وكامل دايرينلو رايو كنت قيلوشة الدار كانت اروع فترة في حياتي فاتت وياريت وهيهاات تعود أروع ماترسخ في بالي: لحظات ماشي لحظة واحدة نتذكر منين كل عيد تديني اختي انا وولد خاتلي تصورنا وينوض البكى انا نقوللها ما نتصورش مع الاولاد وهي تحتم عليا ندير حرب عند الصوار نتذكر كانت عندي ارنوبة طيحهالي خويا على الفيلو ماتت وناض النداب ايا راح بابا جابلي طزينة رينوبات واقيل وحد 5 رينوبات صغار ايييه وياما ياما ياما ذكريات راحت وماعادش تولي وأطرف حدث قُمتي به ولاتزالين تتدكرينه حتى اليوم ؟ اطرف حدث قمت بيه مانيش عارفة اسكو طريف ولا عادي في وقتا لعشرية السوداء وقت الارهاب انا كنت صغيرة يجي في عمري 5 سنين هكاك ولا 4 خاوتي في زوج ككانو لبرا وناض الرصاص يضرب واقفة في البالكون نعيط ونبكي أفون ونقلهم ياهااااو شوفو زيان جيبوهلي راهو مازال صغير عمر راه كبير ويعرف صلاحو زعمى خممت في خويا الصغير باه يدخل للدار والكبير راه عارف صلاحو والمشكل انا وخيا هاذا اللي اكبر مني ما نتفاهموش ابدا مانعرف كيفاه حبيتو هاذاك الوقت ههه أنتظر ردّكِ

ونختم الموضوع بردّ ملكة الأناقة Moon_light التي قالت:

اقتباس طبعآ الطفولة من أحلى الأوقآت التي عشنآهآ في الدنيآ , [size=21]لآ نُحس بطعمهآ حتى نكبر فنتمنى أن نرجع إليهآ , [size=21]عكس مآ تمنينآه في أيآمنآ أن نكبر ونُصبح [size=21]نسآءً ورجآلآ [size=21], [size=21]فقط لو كآن باستطآعتنآ أن نعود إليهآ ل[size=21]نتذوق لحظة منهآ [size=21], [size=21]كيف عشت طفولتي ؟ [size=21]الح[size=21]قيقة [size=21]أنني أرى طفولت[size=21]ي وأتذكرهآ ببسمة على شفتي , [size=21]أعتقد أنني عشتهآ بطولهآ وعرضهآ , [size=21]وزي[size=21]نتهآ ببرآ[size=21]ءة اشتقت إليهآ مع ولدنة ومشآكسة طفولية , وكذلك [size=21]غبآء وسذآجة , الحمد لله عشت طفولة جميلة من بآبهآ الوآسع واستمتعت بهآ , [size=21]ومآزلت أعيشهآ أحيآنآ { Retour d'age ههه } [/size][/size][/size][/size][/size][/size][/size][/size][/size][/size][/size][/size][/size][/size][/size][/size][/size][/size] أروع اللحظات : أتذكر الكثير من اللحظآت الجميلة في ذلك الوقت , أتذكر تشردي ولوم أبي كنت مُشآغبة لآ [size=21]أدري لمآذآ تذكرت , [size=21]بالضبط هذآ الحدث , [size=21]حدث ذآت يوم أن تسلقت شُبآك حديقة الحي وب[size=21]طريقة مآ , [size=21]وقفت عل[size=21]يه في قمته ! لآ أستطي[size=21]ع فعلهآ الآ[size=21]ن هههه , [size=21]فمر أبي ورآني وتوع[size=21]ّدني [size=21]أن بمجرد أن نلتقي بالبيت سأرى عقآبي , [size=21]دخلت وانتظرت عودته وبمجرد دقه على البآب ركضت إلى الغرفة [size=21], [size=21]وأمسكت الكتآب الأزرق إقرأ { هههه كتآب القرآءة سنة أولى ابتدآئي } [size=21], [size=21]دخل عليّ أبي أتذكر مآ قآله { ألعبيهآ تقرآي درك }[size=21], [size=21]وطبعآ وب[size=21]ّخني وبكيت وآآآع , [size=21]ومرة تسلقت بيتآ للكهربآء فيه الخيوط الكهربآئية , [size=21]وأم[size=21]سكني في الجرم فقآم بحملي [size=21]وتوع[size=21]ّدني أيضآ , [size=21]وأخذت نصيبي من التوبيخ لكن ولآ مرة ضربني ^^ [/size][/size][/size][/size][/size][/size][/size][/size][/size][/size][/size][/size][/size][/size][/size][/size][/size][/size][/size][/size][/size][/size][/size][/size][/size]أطرف حدث: أعلم أن هنآك أحدآث كثيرة لكن ام تحظُرني الآن , مآ أتذكره هو ركوبي للدرآجة ذآت يوم ورفع التحدي , [size=21]أمآم جيرآني أنني أستطيع أن أنزل [size=21]من أخطر منحدر بالحي , الكل يقوم بذلك لكن من نصفه [size=21], [size=21]لكن[size=21]ني أبيت إلآ أن أنزله ب[size=21]درآجتي من أوله إلى آخره , [size=21]فمآ كدت أفعل حتى وجدت نفسي مُلتصقة بش[size=21]ُبآك حديقة الحي , [size=21]وثيآبي كلهآ ممزقة والدرآجة فوقي والدم ينزف من [size=21]ركبتي , [size=21]يدي وحتى بطني وكتفي , [size=21]وأطفآل الحي يضحكون وأنآ أضحك هههه , [size=21]ولم أعرف كيف أخبر أمي التي تكره اللعب الخطير , [size=21]فدخلت مسرعة وغيرت ملآبسي , [size=21]ووضعت الملآبس الممزقة في سلة الملآبس المتسخة , [size=21]ونمت بآكرآ فعَلِمَتْ من موعد نومي أنني قمت بشيء[size=21]ٍ غبي , [size=21]فتفقدتني ووجدتني مجروحة من كل مكآن [size=21]فأخذت نصيبي , [size=21]من التوبيخ وكأنني محتآجة إلى ألم نفسي فوق الألم الجسدي , [size=21]وخيبة خسآر[size=21]تي في التحدي وتحولي إلى مهزلة أمآم أصدقآئي [size=21][size=21], [size=21]شكر[size=21]آ حبيبتي أعدتني إلى أيآم لن تعود لكني أتذكرهآ بالذك[size=21]ريآت الجميلة , [/size][/size][/size][/size][/size][/size][/size][/size][/size][/size][/size][/size][/size][/size][/size][/size][/size][/size][/size][/size][/size][/size][/size][/size][/size][/size][/size]