المجلة
يارب تكونوا بخير
باذن الله دة الجزء الجديد لجروب
(دايت التوفير)
اللى فكرته اساسا بتقولك
كلى اللى فى البيت
بس قللى عن اكلك السابق
يعنى اذا كنتى بتاكلى 3 رغيف عيش فى اليوم كلى رغيفين بس
وبما اننا فى التدبير المنزلى
فاحنا عاوزين دايت توفير
يعنى ماصرفشى فلوس على نظام غذائى
لاء
يكون من اكل البيت
طبعا انتوا فاكرين الطبق اللى عملته على الغداء اول يوم ليا فى الدايت
طماطم وخيار و4 معالق رز ومعلقتين لوبيا ولحمة
وعمل طبق كبييير وشبعت منه جدا والحمد لله
وانتوا كمان ابتكروا فى وصفاتكم
وهاتولنا صورها
عشان نبقى دايت توفير فعلا
عارفة انك مش هتخسى جامد او كيلوات كتير انما
هتكسبى
انك اخدتى على الاكل القليل
مش هتحسى بيه فى الميزان
لاء
هتشوفيه بعيونك فى لبسك وهدومك
عشان كدة
احنا مش هنلتزم بميزان
لاء
احنا هنلتزم
ببعض
بالعشرة الطيبة
بالفضفضة
عاوزين نشغل بالنا
ونلاقى حاجة تشغلنا عن الاكل
احنا لازم نقول لنفسنا اننا مش بنعمل دايت لاء
احنا شبعانين
لازم تقولى لنفسك طوووووووووووووووووووول الوقت
انا شبعانة اوى وبطنى مليانة على اخرها
واحدث الدراسات العلمية
بتقول
ان الرجيم النفسى هو اقوى رجيم
يعنى فى الدول المتقدمة اللى عاوز يعمل دايت
مش بيروح لدكتور تغذية
لاء
بيروح لدكتور نفسى
ودة بيبقى ليه تاثير اقوى واسرع
احنا كمان عاوزين
ندرب نفسنا على كلمة انا شبعانة اوى
طول الوقت قوليها وسمعيها لودنك
حتى اذا ماكنتيش شبعانة
واذا حسينا بالجوع
قولى لاء
ايه دة معقول دة انا مش قادرة اخد نفسى من التخمة
هو لتر مية اشربه وهابقى تماما
عاوزين نعرف نسيطر على نفسنا
احنا اللى نحدد اذا كنا جعانين ولا عطشانين
ونصيحة منى ليكى با
اشترى بيجامة صيفى
للصيف القادم
هاتيها اقل من مقاسك بقياسين او 3
وخليها قصاد عينك
حطيها على شماعة
وحطيها برة على ايد الدولاب مثلا او على ظهر الكرسى او على شماعة اوضة النوم
المهم تكون ادام عنيكى
بتفكرك بهدفك
وتستخسرى فلوسها اللى هتترمى على الارض لانها صغيرة عليكى
يبقى كدة اتفقنا
على ايه
اول حاجة :- دايما قولى لنفسك انا شبعانة جدا وبطنى مليانة اكل ومش قادرة اخد نفسى( هنضحك على نفسنا)
ودة ابتداء من الساعة 7 مساءا الى ميعاد النوم
ثانى حاجة:- طلعى فستان او بيجامة او قميص ضيق عليكى وحطيه قصاد عينك ودة هدفك فى الصيف القادم باذن الله
ثالث حاجة:- حبايبى
لالالالالالالالالالالالالالالالالالالالالالالالالا لالالالالالالالالالالالازم
نشرب 12 كوباية مية فى اليوم
لالالالالالالالالالالالالالالالالالالالالالالالالا لالالالالالالالالالالالالازم
لان جهاز الحرق اللى بيحرق الدهون مش بيشتغل الا بالمية والاكل
فلازم 12 كوباية ارجوكم ارجوكم لازم تساعدوا جهاز الحرق عشان يشتغل
رابع حاجة:- لازم مشروب يحرق الدهون
. جنزبيل بالقرفة والليمون والكمون
.يانسون
.قرفة بالجنزبيل
او اى مشروب انتوا تعرفوه
حتى ولو مرة يوميا
ودة بيكون من غير سكر
معلش اتعودى
(او سكر دايت)
خامس حاجة:- السكر
هاتوه دايت بس الصحى مش اى سكر
وخلاص
او ليكى 2 معلقة سكر فى اليوم
سادس حاجة: الرياضة
اطلعى سلم اللى ادام باب شقتك
او هاتى حبل ونطى
او اتمشى رايحة جاية فى الشقة
اتنططى انتى والعيال واعملوها لعبة
ارقصى
اى مجهود
عشان مش يحصل ترهلات
فى مشروبات بتشد الجلد اكيد هتساعدنا
. الشمر مغلى وطبعا من غير سكر(او سكر دايت)
.منقوع لبان الدكر
دول انا جربتهم طبعا واكيد عملوا معايا شغل جامد وكانوا بيشدوا الجسم
ولبان الدكر فتح لون بشرتى جدا جدا
