المجلة
السلام عليكم ورحمته وبركاته
ازيكوا يا فتاتيك انا النهاردة جيبالكم طريقة سهلة لحفظ الملوخية وكمان بتقعد من السنة للسنة انتي يا ستي تجيبي الملوخية وتقرطفيها وتغسليها كويس تكوني بقى يا ستي حاطة ماية بتغلي على البوتاجاز وحاطة فيها شعرة كربوناتو تاخدي الموخية وتحطيها في الماية ولما تحسي ان لونها بقى اخضر فاتح انشيليها وحطيها في الخلاط وحطي شوية ماية من اللي انتي غاليتي فيها الملوخية في الخلاط مش كتير يادوب علشان الخلاط يلف اديني بقول متحطيش ماية كتير وبعدين يا ستي شغلي الخلاط بالنبضات وكل شوية شوفي سمك الملوخية اللي انتي عايزاه يعني بتحبيها ناعمة او خشنة وبعدين كيسيها وشيليها في الفريزر والله يا جماعة بتطلع روعة ولونها اخضر جميل وكمان بيكون ليها عرق لو جربتي الطريقة دي ان شاء الله مش هتعملي غيرها وطبعا يا فتوكة منك ليها لما تطلعيها استخدميها زودي الشوربة بتاعتك والطشة وبالهنا والشفا
يا ريت يا جماعة تقيموني علشان تشجعوني وادعولي ربنا يبارك في اولادي وجوزي ويوسع رزقنا ولكم المثل ان شاء الله
استودعكم الله
