ازيكم يا احلى فتوكات ولسه مكملين فى سلسلة اوفر واضمن واسهل ليكى ولولادك فى البيت
واحب اشكر كل القمرات اللى جربوا حاجة من حاجاتى وعجبتهم واجدد النية تانى يارب اجعل مواضيعى فى ميزان حسناتى خالصة لوجهك الكريم وكل واحدة تتعلم حاجة وتعملها وتنجح معاها وتوفربيها لزوجها وبيتها تدعيلى دعوة بظهر الغيب
ربنا ييسرلى حفظ كتابه انا وولادى يارب ونختم القراءن ويرزقنا حسن الخاتمة


ودى لينكات الاجزاء اللى فاتت زى ما اتعودنا عشان اللى مشفهاش

اوفر واضمن فى البيت لولادك عشان المدرسة (اللانشون البيتى )

https://da3m.forumarabia.com/f33-montadathread3435755

اوفر واضمن واسهل ليكى ولولادك فى البيت 2 ( الحلاوة الطحينية )

https://da3m.forumarabia.com/f33-montadathread3474524
اوفر واضمن ليكى ولولادك فى البيت 3(الفول والطعمية )


اوفر واضمن واسهل ليكى ولولادك فى البيت 4 (البليلة)

اوفر واضمن واسهل ليكى ولولادك فى البيت 5 ( البسطرمة )

اوفر واضمن ليكى ولولادك فى البيت 6 (الفطير المشلتت)


https://da3m.forumarabia.com/f33-montadathread3572180
والنهاردة ان شاء الله هاوريكم ازاى باعمل الفسيخ او الملوحة فى البيت اضمن وانضف وكفاية تبقى من عمل ايدك ليكى ولولادك
وربنا يعافينا من اللى بنسمعه من اسماك فاسدة
وحالات تسمم وايه اللى يجبرنا على كدة دى الطريقة اسهل ما يكون ومبتخدش وقت خال ص

بس متكتروش منها عشان الاملاح والذى منه

والاقى واحدة ماسكة جنبها وبتقول الله يسامحك يا ام ادهم هههههههه
اللهم بلغت اللهم فاشهد

يلا نشوف هانعمل ايه

بالنسبة لانواع السمك اللى ممكن تخليليها فهى كتير مثلا عندك السردين البلدى الصغير ده سعره من 8 ج وحلو بس لحمه قليل

وفى كمان قشر البياض السمكة كبيرة ومبطرخة ههههههه يعمل من 15 ل20 ج
وكمان البيساريا الصغنونة خالص دى من 3ج ل5ج

بس انا مش عملتها قبل كدة

وعندك س مك التونة او الماكاريل روعة بجد وعن تجربة وسعره جميل من 9ج للصغير ل12 للكبير

و طبعا البورى ده عمهم هههههههه سعره من 25 ج

للكيلو بس جميل فى الفسيخ وهو ده اللى انا صورته النهاردة

اهو جبت كيلو طلع 3 سمكات



انا وقفته كدة لتانى يوم على سيفه لحد ما نزل كل ميته من غير تنضيف ولا غسيل ولا حاجة



واهو تانى يوم لما السمك نشف خالص ونزل كل ميته



هنا بقى هانجيب كيس ملح ونحط عليه شطة ونقلبهم كدة فى بعض


ونبتدى نحشى الخياشيم بتاعة كل سمكة كويس بالملح والشطة ونجهز كيس يلاستيك و نفرش ه كدة بالملح والشطة عشان نرص عليه السمك بتاعنا

وهنا ا هو كل سمكة فى الكيس ترشى ما بينها شوية ملح وشطة وتحط ى عليها التانية وتلفيهم كويس بالكيس اللاستيك وتحطى الكيس جوه كيس جوه كيس عشان الريحة وكمان لسه هاينزل مية الملوحة فى الكيس
وفى الاخر انا لفيتها بقطعة مشمع كدة

وشيلتها فى الباب اللى تحت الفرن بتاعة البوتجاز او اى مكان بعيد عن ايدك وانسيها من 12 ل 15 يوم
متفتحيش عليها خالص
بس اوعى تنسى وتشغلى الفرن هههههههه

هنا فكيت الكيس بعد 12 يوم كنت مستعجلة ههههههه
بصوا شكل السمكات بعد ما استوت زبدة يا اخ واتى زبدة ولا الريحة واااااااااااو
ودى ق لبها من جوه

وهنا بقى وضبتها من الشوك والراس وحطيت الطحينة والزي ت وعصرت الليمون وجهزت العي ش والبصل واديناها وكانت اكلة جميلة جدا وحبسنا بكوباية شاى ههههههههه

اتمنى تجربوها وتعجبكم وطبعا هاتوفر معاكى جدا وهاتبطلى تشترى من بر ه الكيلو هايقف عليكى ب25 ج وهو بيتباع ب40 و50 ج
وزى ما قلت منكترش عشان الاملاح والذى منه
اللهم باغت اللهم فاشهد
وجزاكم الله خيرا