المجلة
ازيكم يا احلى فتوكات اهلا بيكم فى الجزء التالت من اضمن واوفر ليكى ولولادك فى البيت انا عارفة ان معظمك شاطرين وبتعملوا كل حاجة فى البيت وطبعا الفول والطعمية من اسهل ما يكون بس بردو فى ناس متعرفش وعايزين نعرفهم وخصوصا العرايس الجداد اللى عندهم التزامات وعايزين يوفروا
انا هاوريكم طريقة تدميس الفول فى البيت وعمل عجينة الطعمية كمان عشان متقولوش حرماكم من حاجة هههههه
دى لينكات الجزءين اللى فاتوا عشان اللى مشفهومش
اوفر واضمن فى البيت لولادك عشان المدرسة (اللانشون البيتى )
https://da3m.forumarabia.com/f33-montadathread3435755
اوفر واضمن واسهل ليكى ولولادك فى البيت 2 ( الحلاوة الطحينية )
https://da3m.forumarabia.com/f33-montadathread3474524
انا جبت فول للتدميس وفول مدشوش للطعمية هاننقعهم الاتنين فى الميه
يلا مع بعض ندمس الفول الاول
هاتجيبى فول التدميس اللى حبته كبيرة وحلوة تنقعيه وتغسليه وتنقعيه من بالليل للصبح عشان ينفش ويستوى معاكى بسرعة
وهنا اهو لما اتنقع 
هاتحطى الفول فى الدماسة او حلى تكون بغطا محكم عندك وانا باحط عليه كبشة كدة من الفول المدشوش البلول طبعا بتاع الطعمية وتغطيه بميه مغليه
وتغطى الدماسة او الحلة وتولعى عليه يغلى وبعدين توطى النار جدا وتسيبيه لو تحبى تحطى معاه ليمونة او طماطماية وفصين توم ماشى بس انا محطتش اى حاجة دلوقتى لو عايز ميه زودى عليه ميه سخنة بردو لحد ما يتهرى ويستوى خالص ومتفتحيش عليه كتير عشان ميسودش
مش بياخد ساعة زمن والله
لما قرب يستوى خلاص انا حطيت عليه شوية رز وممكن تحطى عدس اصفر بس انا مكنش عندى فحطيت رز اى حاجة تديله قوام وكمان حطيت معلقة صغيرة كركم للون ولو مفيش ممكن صلصة
وتقلبى كويس وتغطيه شوية لحد ما الرز يستوى وانا حطيت الرز فى الاخر لاننا لو حطيناه الاول هاينزل فى القعر ويلزق ويتحرق
اهو بعد استوى يا بنات اتفضلوا الطبق ده
وكمان هنا طبق تانى بعد ما طحنته فى الكبة زى المطاعم
وادى طبق كمان بالصلصة والتوم ان شا الله ما حد حوش ههههههههههه
وكلى احلى وانضف فول مدمس من ايديكى
وشكلى مرة بالبيض ومرة بالزيت والليمون ومرة بالطحينة كدة
وكيست بقى وعلى الفريزر واطلع كل يوم للفطار يفك والف هنا
استنوا رايحين فين لسه الطعمية فى المشاركة الجاية
